كيف تصبح مصمم ناجح فى شركه دعايه واعلان

اساسيات لابد منها فى اى عمل اعلانى :
1- اسم الشركه او اسم الاعلان
2- نوع النشاط
3- اسم مدير الشركه او المسئول
4- عنوان الشركه
5- تليفونات الشركه
6 - خلفيه مناسبة
7 - صور لوجوهات خاصة بالنشاط
8- توقيع المصمم
  مثال : كارت

اعلان يافطة 

سيادتك روحت قدمت فى شركه دعايه واشتغلت خلاص وجالك مندوب ومعاه بيانات الكارت ده وعاوز بروفه لتصميم للكارت
حتعمل ايه
اولا فيه مبادىء عامه المصمم بيمشى عليها
1- ان توزيع البيانات مهم اوى فى الكارت ( زى ما احنا شايفين ان شركه الرشيدى مكتوبه بحجم كبير فى نص الكارت وتحتيها اسم النشاط بحجم اصغر
شويه وتحتيهم اسم المدير وتحت خالص العنوان ثم التليفونات)
التوزيعه دى فيه غيرها توزيعه تانيه مش بعيده عنها وحنشوفها برضه والتوزيعتين دول مش بيخرج عنهم اى تصميم
يبقى انت دلوقتى كده خلاص عارف التوزيعه وحتعملها وانت مغمض ومش حتتلخبط وتاخد وقت
2- الالوان
ودى مهمه جدا وطبعا كل مصمم لازم يبقى عنده حس فى التصميم وميعملش الوان مش جايه على بعضها بس فى نفس الوقت ميفتحش خصائص الليرز
ويقعد يجرب الالوان كلها
علشان كده فيه قاعده اساسيه بالنسبه لالوان العنوان والتليفونات
كل العناوين والتليفونات اللى تكتبهم فى الكارت تكتبهم باللون الاسود وحواليه تحديد ابيض )Strocke)
او العكس اللون ابيض وحواليه تحديد اسود ( زى الكارت اللى قدامنا)
والاسود او الابيض بيجوا مع اى لون فى الخلفيه
3 - تالت حاجه نراعى الوان الصور اللى بتتحط فى التصميم
بس طبعا لو الصور اللى فى تصميم صور لوجوهات لماركات مش حنيجى جمب الوانها طبعا
لكن لو صوره عاديه ( زى صوره العربيه اللى فى الكارت ) احنا شايفين ان العربيه لونها احمر
هل كان ينفع ان العربيه يبقى لونها اخضر مثلا
هل كان ينفع ان لونها يبقى ازرق
كان حيحصل كوكتيل فى الوان الكارت طبعا
طب دلوقتى لو انت بتصمم الكارت ده ودورت فى صور العربيات اللى عندك ملقتش غير عربيه سكودا خضراء حتعمل ايه
ببساطه تغير لونها علشان يمشى مع التصميم او تدخل على جوجل وتكتب اسكودا وتشوف الوان العربيات اللى حتجيلك ايه
العمليه بسيطه ومفيهاش حاجه
تخيل نفسك دلوقتى بتعرف فوتوشوب كويس واشتغلت فى شركه واتطلب منك تصمم الكارت ده عارف ايه اللى حيحصل
اولا : حتقعد ساعه تكتب بيانات الكارت علشان انت حتكتب البيانات وبعد كده حتقلب فى الخطوط اللى فى البرنامج علشان كل جمله فى الكارت تكتبها بخط معين
وبعد ما تخلص من البيانات حتوزعهم توزيع غريب ومش حيبقى فيه تناسق بين انهى كلمه تبقى كبيره وانهى كلمه تبقى صغيره
ثانيا : حتقعد ساعه برضه تقلب فى الخلفيات اللى عندك فى الكمبيوتر علشان تختار واحده تصمم عليها
ثالثا: حتقد ساعه تالته تدور على صور الوانها تعجبك
بعد التلت ساعات دول بص بقى للتصميم
حتلاقى التوزيعه اولا وحشه
كتره الخطوط فى الكارت مش عامله تناسق
حتلاقى مفيش تناسق بين الكلام اللى المفروض يبقى كبير والكلام اللى المفروض يبقى صغير
حتلاقى انك مدى البيانات استروكات الوانها غريبه ( اصفر واحمر واخضر وكده)
وفى الاخر المندوب حياخد منك البروفه ولما يشوفها العميل حيطلب تغيير التصميم كله
الكلام ده يا جماعه بيحصل فعلا وانا مش بخترع وحصل قدام عينى وحصلى انا كمان لما كنت لسه فى بدايه حياتى العمليه فى التصميم التجارى
نرجع بقى للكارت بتاعنا ونشرح تصميمه وازاى تعمله بسرعه
اولا حتفتح صفحه فى الفوتوشوب عادى جدا بمقاس الكارت ( عامه بيبقى مقاس الكروت 8.5 فى 5.4 )
ثانيا : الخلفيه ودى مهمه جدا
حل الخلفيه بقى انك تكون عارف مكان كروت العربيات اللى اتعملت قبل كده وعارف اشكال كويسه منهم بحيث انك تجيب تصميم مطبوع قبل كده وتاخد خلفيته
وتشتغل عليها
الحل التانى وده الاسهل والبسيط
(gradient) انك تعمل زى ما معمول فى الكارت ده الخلفيه عباره عن جاريديانت
اورانج فى رصاصى
وعندك كميه جاريدينت فى الفوتوشوب جميله اوى
يعنى مثلا لو المندوب قالك ان صاحب الكارت عاوز الكارت هادى او بيحب الالوان الفاتحه اعمل جاريدينت ازرق فى ابيض مثلا وحتلاقيها جميله جدا
ولو المندوب قالك ان صاحب الكارت بيحب الالوان الغامقه اعمل زى الكارت ده واديها اورانج فى رصاصى بحيث الرصاصى يدى الغمقان اللى الزبون عاوزه
وفى نفس الوقت الاورانج يفتح الكارت شويه علشان الكارت ميبقاش كئيب
ثالثا: البيانات
وهنا لازم نتكلم عن الخطوط
بصوا يا جماعه اى مصمم تجارى لازم يعود نفسه انه يشتغل بخطوط معينه ميغيرهاش
يعنى بالنسبه للخطوط العربيه المصمم يشتغل بالخط العادى اللى زى فى الكارت ده وعنده الفارسى والاندلسى جميل برضه وفونت قناه العربيه
دول كفايه
اما بالنسبه للخطوط الانجليزى ف دول كتير اوى وبتلاقى الجامدين كتير فيها علشان كده المصمم يحاول برضه يحفظ اسم كان فونت انجليزى جامد وميشتغلش غير بيهم ويبقى يجرب الخطوط التانيه لو هوه قاعد رايق
كده خلصنا من الخطوط
كتبنا البيانات
نوزعها
نراجع بقى نشوف احنا عملنا ايه لغايه دلوقتى
1 - فتحنا صفحه تصميم جديد
2 - عملنا خلفيه فى الانجاز
3 - كتبنا البيانات ووزعناها
بعد كده بقى نشوف الكارت محتاج ايه تانى
زى الكارت بتاعنا مثلا كان مطلوب فيه اللوجوهات اللى انتوا شايفنها نجيبها ونوزعها بضمير برضه






وصوره مناسبة حلوه نجيبها ونقصها ونحطها فى الكارت
وبعد كده نظبط الوان البيانات اللى فى الكارت
وعلى فكره فى اغلب الصور او اللوجوهات اللى بتتحط فى الكروت بتاخد اوتر فى الفوتوشوب علشان بيخليها تنور زى ما انتوا
كده خلاص الكارت جاهز
المندوب بياخد منك البروفه والزبون بيتكيف اوى من التصميم ولو عاوز تعديل بيقولك مثلا تكبر اسم الشركه شويه او اسمه هوه شويه او توضح العنوان اكتر كده يعنى حاجات رفيعه
كده يا جماعه
وكمان دى صوره لضهر الكارت( الكروت نوعين نوع وش واحد ونوع تانى وش وضهر)
ولو تلاحظوا حتلاقوا ان الخلفيه بتاعه الضهر نفس خلفيه وش الكارت وكمان تصميمها بسيط 
اخدنا اللوجوهات حطناهم بشكل ظريف واخدنا اسم الشركه كبرناه على الاخر
عملنا تحديد حلو واديناه جاريديانت الخلفيه وخلاص ( pen tool)وبأداه
واوقات كتيره برضه صاحب الكارت بيطلب ان وش الكارت يبقى بالعربى زى الكارت ده والضهر بالانجليزى
كل ما عليك فى الحاله دى انك تعمل نفس الخلفيه طبعا ونفس اللوجوهات ونفس الصور اللى فى الوش تبقى اى الضهر وتترجم البيانات العربى لانجليزى وخلاص
لو انتوا طبقتوا الكلام ده يا جماعه على تصميم الكارت ده
الكارت مش حياخد اكتر من ربع ساعه
وكمان فيه نقطه مهمه
ان المصمم لما يشتغل لازم يبقى ليه ادواته المعينه اللى بيشغل بيها وبينجز بيها شغله والاداوت دى هي
1- تصميمات سابقه عملها هوه او غيره عملها ودى يصنفها ( يعنى تصميمات السنترالات تتحط فى فولدر لوحدها وتصمميات السيارات فى فولدر لوحدها وهكذا )
والتصميمات ده بتفيده فى انه لما بيتطلب منه تصميم كارت معين بيبص فى التنصيف بتاع الكارت المطلوب منه ويختار كارت حلو كان عمله قبل كده ويصمم عليه وده بينجز جامد وخصوصا فى حاله تكدس الشغل
2- مجموعه خطوط معينه بيشتغل بيها سواء خطوط عربى او انجليزى وطبعا مفيش مانع من التجديد فى الخطوط دى كل فتره بس اهم حاجه يكون حافظهم وملم بيهم
3 - يكون فاتح الانترنت دايما على صفحه جوجل علشان فى اى وقت ممكن يتطلب منه تصميم معندهوش صور كفايه ليه على الكمبيوتر ف يدور على جوجل وده بينجز اوى
بس يا جماعه دى ادوات المصمم اللى بيقدر بيها انه ينجز فى اى شغل يجيله
طبعا دلوقتى لو واحد فيكم قرأ الموضوع ده وهوه ميعرفش حاجه عن الفوتوشوب حيفتكر الحكايه صعبه
لكن انا باقول ان العمليه سهله اوى
انا باقول لكل واحد ميعرفش فوتوشوب خالص انه يتعلم الادوات اللى كنت قايل عليها
وكفايه كده اوى فى الاول
وهوه مع الوقت حيبقى كويس
وخلى بالكم يا جماعه ان المصمم التجارى مع الوقت بياخد خبره رهيبه فى شغله وبيبقى فى الاخر بيعمل التصميمات وهوه مغمض بس اهم حاجه ان المصمم يحاول دايما يطور من نفسه علشان يوصل لمراحل اعلى فى شغل الدعايه يمكن ربنا يكرمه بعد كده ويشتغل فى بوسترات الافلام
وان شاء الله الدرس اللى جاى حاجيب صور لبقيه شغل الدعايه ( الدفاتر والفلايرز واليفط) وحاشرحهم برضه وحابين طريقه سرعه تصميمهم وانا يا جماعه حاطط فى المرفقات ملف فيه الصور اللى استخدمتها فى التصميم بتاع كارت النهارده يا ريت كل اللى مهتم بموضوع الدعايه وعاوز يبقى مصمم يبقى ينزل الصور دى ويقعد مع نفسه على روقان ويصمم الكارت ده ويشوف فى الاخر هوه قعد وقت قد ايه فى تصميمه وربنا يكرم كل مجتهد


 

تطوير وسائل دعاية واعلان أرخص تكلفة وأعظم تأثيراً

تطوير وسائل دعاية واعلان جديدة

الحل الوحيد للخروج من مأزق التكاليف الباهظة للتسويق هو البحث عن وسيلة دعايه واعلان جديده،بحيث تتوفر لهذه الوسيلة شروط النشر والامكانية المؤكدة للوصول للزبائن حيث كانوا،وفى نفس الوقت زهيدة التكلفة
إن استخدام وسيلة دعايه واعلان رائعة التأثير زهيدة التكلفة هو الامل الوحيد لاسيما للكيانات الانتاجية المتوسطة والصغيرة،

ضغط تكلفة بند الدعاية والاعلان للشركات التى تقدم منتجات او خدمات،ليس فقط هو الذى يحركنا نحو استخدام وسيلة جديدة للدعاية والاعلان وانما ايضاً فعالية وسيلة الدعاية والاعلان القادرة على تحقيق ارقام حقيقية يعلنها مؤشر مبيعات المنتج او الخدمة
قبل ان تتعرف على وسيلة دعايه واعلان جديده لم نبتكرها ولكن فقط وضعنا يدنا عليها،بعد أن تأكد لنا ان الغرب يستخدم هذه الوسيلة الطازجة فى الدعاية والاعلان ليحقق من خلالها عائد مبيعات يتخطى المليارات،ذلك أن الغرب خرج من القوالب التقليدية للدعاية والاعلان والمتمثلة فى الصحف والاذاعة والتليفزيون من جانب لارتفاع تكلفة هذه الوسائل،ومن جانب آخر،ظهور مارد تسويقى جديد يستقبل 500 مليون زائر يومياً فأرادوا تحويل هؤلاء الزوار الى زبائن ولكن دعنا نتعرف على الآتى :

- كيف تختار افضل وسيلة للدعايه والاعلان ؟
هناك مواصفات ومقاييس ينبغى وضعها فى الاعتبار وفى وسيلة الدعاية والاعلان قبل اتخاذ قرار التعامل عليها من هذه المواصفات :
- ان تكون وسيلة الدعاية والاعلان المستخدمة قادرة على التواجد حيث يتواجد الزبائن بكثافة Traffic
- أن تستخدم هذه الوسيلة جميع عناصر التأثير فى الزبائن " نص – صوت – صورة "
- أن تستمر وسيلة الدعاية والاعلان بمحتواها امام الزبائن اطول فترة زمنية ممكنة للتأثير
- أن يتم تطويعها للترويج المحلى والدولى على حد سواء
- أن تكون رخيصة التكلفة ولاتشكل عبء مالى على الشركة المقدمة للمنتج او الخدمة

عندما تتوفر هذه المواصفات مجتمعة فى وسيلة دعايه واعلان،فإننا نكون قد وصلنا الى كنز حقيقى،ولايتبقى امامنا سوى التفكير فى تقديم المحتوى الخاص بالمنتج أو الخدمة

كيف يمكن تطوير وسائل دعايه واعلان وتسويق ؟

من الضرورى لكل شركة تقدم منتج أو خدمة أن تسعى بين الآن والآخر الى تطوير استراتيجيات وآليات الدعاية والاعلان سواء وسائل الدعاية والاعلان الخاصة بالتسويق المحلى أوالدولى لعملائها او زبائنها،سعياً لتوفير آليات تسويقية اكثر جدوى بتكلفة أقل، كذلك ابتكار وسائل للدعاية والاعلان توفرلها منافذ جديدة تطل منها على جمهور عملائها ..


طريقة ابتكار وسائل دعايه واعلان جديدة ؟
من خلال دراسة سوق الدعاية والاعلان سواء المحلى او الدولى، ومستجدات هذا السوق وتقنياته،نتعرف على ماهى أفضل الوسائل الاعلانية التى تحقق أعلى رد فعل محسوس فى زمن قياسى، كذلك من خلال البحث عن مخرج تتمكن من خلاله الكيانات الانتاجية ولاسيما المتوسطة والمحدودة الامكانات من تسويق منتجاتها دون الاستسلام للمشكلة المزمنة
والمتعلقة بالتكاليف الباهظة لحملات الدعايه والاعلان،
هكذا الحال فكل عصر له تقنياته التى يفرض من خلالها سطوته فى تحديد وسائل دعايه واعلان أكثر فعالية دون غيرها، ففى فترة زمنية كان للكلمة المقروءة ثقلها وشعبيتها وقد فرض هذا على الشركات المنتجة ان تستعمل الوسيلة المقروءة سواء كانت صحيفة او مجلة للدعاية والاعلان عن منتجاتها، ثم كان وقت الاذاعة والتليفزيون ودورهما فى الدعاية والاعلان عن المنتجات والخدمات بالتزامن ايضاً مع الدعاية والاعلان عبر الوسائل المقروءة، غير ان هذه الوسائل الاعلانية رغم قدرتها فى التأثير على الزبائن وتحقيق مردود تسويقى معقول، فإنه يعيبها محدودية انتشارها بالإضافة للعامل الأهم وهو ارتفاع تكلفة الدعاية والاعلان من خلالها، كما أنها ظلت فى دائرة مغلقة دون تطوير حقيقى لفترة طويلة، وطبيعى ان يظهر منافس جديد يزحزح هذه الوسائل عن عروشها او على الاقل يشاركها كعكة الدعاية والاعلان،
والواقع يؤكد ان هذا المنافس الجديد ليس منافساً تقليدياً حيث ولد عملاقاً ومنتشراً ومؤثراً والاهم أنه عالمى التوجه،
ولن يكتفى فقط بالمشاركة فى الكعكة كوسيلة دعاية واعلان ولكنه يخطط لالتهامها كلها دون الوسائل التقليدية ،
حتى انه قد لا يكتفى بالتهام الكعة فقط فقد يلتهم المنافسين انفسهم ويحولهم الى طاقم عمل لديه ،بدليل أن عصر الجريدة الاليكترونية وتليفزيون الانترنت قادم لامحالة، فالكل سيتجمع بين رحى المارد التسويقى الجديد،
وهذا مايجعل مسألة تطوير وسائل دعايه واعلان تتزامن مع عملقة هذه الوسيلة الرائعة شبكة الانترنت،مطلب ضرورى
فهذا المارد التسويقى الذى يعد بحق وسيلة التسويق الاولى فى هذا التوقيت،يوفر وسائل دعاية واعلان متكاملة العناصر
الثلاثة "كلمة مكتوبة – صوت – صورة " ولا يتبقى امام الشركة المقدمة لمنتجات او خدمات سوى صياغة الشكل الفنى للمحتوى الاعلانى الذى يحتاج الى هذه العناصر الثلاثة فى تقديمه للجمهور،

كيفية تقييم اداء أى وسيلة دعاية واعلان ؟

يتم تقييم اداء وسيلة الدعاية والاعلان المستخدمة فى الحملة الاعلانية للشركة من خلال عدة عناصر :
التعريف بالمنتج او الخدمة :
لابد أن تنجح وسيلة الدعاية والاعلان المستخدمة فى الوصول للزبائن المستهدفين فى اماكن تجمعهم وتعريفهم بالمنتج او الخدمة التى يتم الترويج لها،" الاسم – المزايا – السعر - .. الخ "وهى ماتسمى بالمرحلة التعريفية للمنتج فى السوق
اتخاذ قرار الشراء :
من الضرورى ان تنجح وسيلة الدعاية والاعلان فى التأثير على الزبون لما بعد مرحلة تعريفه بالمنتج او الخدمة بدفعه لترجمة هذه المعلومات التى حصل عليها الى قرار شراء فعلى
وهذه اهم المهام الضرورية الموكلة لوسيلة الدعاية والاعلان،والتى نجح الغرب فى تطويع شبكة الانترنت لتحقيقها من خلال تحويل 500 مليون زائر يومى للانترنت الى زبائن.
المصدر: موقع شركة فيلم فور بيزنس